Тегишли қарор бугун Арманистон ҳукумати йиғилишида қабул қилинди. Ҳужжат энди тасдиқлаш учун мамлакат парламентига тақдим этилади.
Ҳукуматнинг кўра, агар ташаббус маъқулланса, “Арманистон Республикаси фуқароларининг Европа Иттифоқига тўлиқ аъзо бўлиш бўйича умидларини янада реалроқ қилади” ва бу масалани муҳокама қилиш учун иш муҳитини яратади.
Арманистон Бош вазири Никол Пашиняннинг таъкидлашича, қонун лойиҳасининг ўзи “ҳеч қандай ҳолатда Арманистоннинг Европа Иттифоқига тўғридан-тўғри аъзолигини англатмайди”, чунки мамлакатнинг иттифоққа қўшилиши ҳақидаги қарор фақат умумхалқ референдуми орқали қабул қилиниши мумкин.
“Аммо шуни ҳам таъкидлаш жоизки, референдум олдидан маълум қадамлар қўйилиши – Европа Иттифоқи билан “йўл харитаси”ни муҳокама қилиш керак”, дея таъкидлади Пашинян.
2024 йилда Европа Иттифоқи Арманистон билан визасиз саёҳат бўйича мулоқот бошлашга рози бўлган эди. Бундан ташқари, Европа Иттифоқи тарихда биринчи марта Ереванга Европа тинчлик жамғармасидан ҳарбий ёрдам ажратишга рози бўлди, деб хабар беради korrespondent.net.
