Хавфсизлик воситаларисиз осмонўпар бинога кўтарилган Франция фуқароси Мельбурн магистраль суди томонидан етти кунга қамалди.

Маълум бўлишича, воқеа 6 февраль куни содир бўлган. Ўшанда 30 ёшли Энтони Андольфо эрталаб соат 7:50 да Мельбурндаги Avani биносининг (баландлиги 163 метр) тўққизинчи қаватдаги айвонига чиқди ва арқон, камар ва бошқа хавфсизлик воситаларисиз кўтарилишни бошлади. У 55 қаватли бинонинг томига чиқди, у ерда уни полиция, ўт ўчирувчилар ва тиббиёт ходимлари кутиб олишди.

Андольфо Порт-Филлип қамоқхонасида аллақачон жазосни ўтади.

26 дақиқалик чўққига чиқишни дрон билан суратга олган 25 ёшли дўсти Уго Фролингерга келсак, у ўтган ҳафта айбдор деб топилди ва воқеадаги роли учун 3000 доллар жаримага тортилди.

Андольфонинг адвокати Майкл Хараламбус судга унинг мижози ижтимоий тармоқларда шон-шуҳрат ёки кўпроқ обуначиларга эга бўлиш ҳақида ўйламаганини айтди.

Унинг сўзларига кўра, бошқа мамлакатлардаги уйларга кўтарилиб чиқиш борасида тажрибага эга бўлган Андольфо ўзининг техникасини таҳлил қилиш ва уни бошқа альпинистлар билан баҳам кўриш учун мазкур жараённи видеога олган.

Аммо судья Жонатан Клештадт Андольфо шон-шуҳратга интилмагани ҳақидаги даъвони рад этди, деб хабар беради korrespondent.net.