Воқеа Колорадода 11 августга ўтар кечаси содир бўлган. Америкалик аёл итнинг овозидан уйғониб кетган. У уй эшигини очган, шундан кейин айиқ унга ҳужум қилган. Аёл йиртқични итариб юборишга муваффақ бўлган ва олд эшикни ёпишга улгурган, аммо айиқ аёлнинг оёғини жароҳатлаб улгурган эди. Кўп ўтмай айиқ дераза орқали уйдан чиқиб кетган.
Колорадо боғ ва ёввойи табиатни муҳофаза қилиш комиссияси ходими Майк Брауннинг таъкидлашича, мутахассислар чақирилмаган меҳмонни қидириб топиш учун барча имкониятни ишга солмоқда. Мутахассислар аёлга кичик айиқ ҳужум қилган деган фикрга келишди, деб хабар беради mir24.tv.
