Қишлоқ хўжалиги ва озиқ-овқат маҳсулотлари ишлаб чиқаришда қўшма лойиҳаларни амалга оширишнинг жорий ҳолати ва истиқболлари кўриб чиқилди. Суҳбатда ўзаро ҳамкорликни, жумладан, тажриба ва инновацияларни алмашиш орқали амалга оширишга тайёрлик билдирилди.
Учрашув якунига кўра томонлар келгусида амалга ошириладиган тадбирлар борасида келишувга эришдилар ва муҳокама этилган лойиҳа ва ташаббусларни ўз вақтида ҳаётга татбиқ этишнинг аниқ механизмларини ишлаб чиқдилар, деб хабар беради Инвестициялар, саноат ва савдо вазирлиги матбуот хизмати.
Azersun Holding — бу озиқ-овқат саноати соҳасида етакчи Озарбайжон компанияларини бирлаштирган йирик холдинг ҳисобланади. Компания томонидан озиқ-овқат маҳсулотлари, қишлоқ хўжалиги, қадоқлаш маҳсулотлари ишлаб чиқариш бўйича 30 дан ортиқ корхона фойдаланишга топширилган. Холдинг Озарбайжон ички бозорида озиқ-овқат маҳсулотларига бўлган талабнинг катта қисмини қондиради ва 40 дан ортиқ мамлакатларга маҳсулот экспорт қилади.
