Унда Ўзбекистон пойтахтида 1570 йилдан буён Ипак йўлидаги муҳим савдо маркази бўлиб келган ва ҳозиргача сайёҳларни ўзининг ширин мевалари ҳамда мазали таомлари билан чорлаб келаётган йирик бозор жойлашгани маълум қилинган. «Чорсу Истанбул ёки Теҳрондаги тарихий бозорлардан ҳеч қандай кам эмас. Ширин мевалар ва зираворларнинг хушбўй таровати сизни бу ерга чорлайди», дейилади материалда.

Мақолада қайд этилганидек, бозорга келганингиздан сўнг Марказий Осиёнинг ўзига хос ранг-баранг оламига шўнғийсиз. Ўзбекистонда жуда мазали қовун, энг ширин хурмо ва энг зўр заъфарон бор.

«Чорсу бозорида барча турдаги маҳсулотлар сотилади, - дейилади мақолада. – Турли хил зираворлар ва минглаб тарвузлар ичидан танлаб олиш учун меҳмонларга икки-уч соатдан кўпроқ вақт керак бўлади».

Мақолада Чорсуга тушмоқчи бўлган сайёҳларга тавсиялар ҳам берилган. «Бозорга аниқ режа билан боринг. Сизга қандай зираворлар ва мевалар керак, қанча пишлоқ ва гўшт олиб кетишингиз мумкин? Акс ҳолда, Марказий Осиёнинг ушбу эртакнамо масканида адашиб қолишингиз мумкин», деб ёзади «Berliner Zeitung» газетаси.