18 ноябрь - Ўзбекистон давлат байроғи қабул қилинган кун муносабати билан 13 ноябрда мамлакатимизнинг 15 та шаҳрида, шу жумладан, Фарғона ва Қўқон шаҳарларида бир вақтда “Янги нафас” спорт мусобақалари ўтказилади. Тадбир “Бир ватанда, бир вақтда, бир масофага, бир мақсадда - бирга югурамиз” шиори остида ўтказилади.
Барча нуқталарда бўладиган мусобақанинг ягона масофа узунлиги 3 км этиб белгиланган. Ҳамма жойда масофа бир хил бўлади ва мусобақа бир вақтда: 13 ноябрь, якшанба куни соат 12:30 да старт олади. Югурувчилар 9 ёшдан катта бўлиши керак, унда аёлми, эркакми, барча хоҳловчилар қатнашиши мумкин.
