Бугун Мактабгача таълим вазирлиги раҳбарияти АҚШ Қишлоқ хўжалиги департаменти ҳамда Mercy Corpsнинг Ўзбекистондаги филиали вакиллари билан учрашди.

Муҳокаманинг асосий мавзуси Ўзбекистонда ҳамкорликда амалга оширилаётган «Таълим учун озиқ-овқат ва болалар овқатланиши» лойиҳаси бўлди.

Эслатиб ўтамиз, лойиҳада Қорақалпоғистон Республикаси ва Сурхондарё вилоятидаги мактабгача таълим ташкилотларини ва канализация қувурларини таъмирлаш, жиҳозлаш, тоза ичимлик суви билан таъминлаш орқали тарбияланувчиларнинг овқатланиш шароитларини яхшилаш кўзда тутилган.

Ушбу дастур АҚШ Қишлоқ хўжалиги департаменти томонидан молиялаштирилади, деб хабар беради Мактабгача таълим вазирлиги матбуот хизмати.