Фавқулодда вазиятлар вазирлигининг хабар беришича, шу йилнинг 10 июнь куни соат 01:32 да Тошкент вилояти, Бўстонлиқ тумани, “Чимён“ МФЙ ҳудудида жойлашган ёғочли конструкция материалидан қурилган ресторанларнинг бирида ёнғин чиққанлиги тўғрисида ФВБга хабар тушган.
Келиб тушган хабарга асосан 5 та ёнғин-қутқарув экипажи соат 02:01 да воқеа жойига етиб борган, ёнғин соат 02:13 да ўраб олиниб, соат 04:20 да батамом ўчирилган.
Маълумотларга кўра, ёнғин оқибатида тахминан 300 кв.м майдонда томи, шифти, ички қисми ва жиҳозлари ёнган. Ёнғин натижасида тан жароҳати олганлар тўғрисида хабар келиб тушмаган.
Ҳозирда ёнғин сабаби ва зарари аниқланмоқда.
