Бугун турли телеграм канал ва гуруҳларда Бойсун туманидаги «М-25» конида газ чиқишини тўхтатиш мақсадида енгил портлатиш ишлари амалга оширилиши ҳақида хабарлар тарқалди.
Сурхондарё вилоят ҳокимлиги ахборот хизмати мазкур хабар асоссиз эканини билдириб, расмий баёнот билан чиқди.
"Мазкур хабар асоссиз бўлиб, ҳозирда бундай чораларни амалга ошириш режалаштирилмаганлиги маълум қиланади ҳамда бу каби ёлғон хабарларга ишонмасликни ва тарқатмасликни сўраймиз", дейилади баёнотда.
Аҳоли ўртасида ваҳима уйғотувчи ёлғон ва асоссиз хабарларни тарқатганлик учун қонунчиликда жавобгарлик белгилангани эслатиб ўтилди.
«Сурхондарё вилоятининг тоғли-рекреацион ҳудудларида туризм инфратузилмасини яхшилаш ҳамда замонавий хизмат кўрсатиш ва туризм объектларини барпо этиш чора-тадбирлари тўғрисида»ги Президент қарори (ПҚ-439-сон, 16.12.2024 й.) қабул қилинди.
Бугун Сурхондарёда 74 та мактаб, 8 та боғча, 7 та тиббиёт муассасалари, 20 км узунликдаги 9 та йўл объекти, 1 та кўприк ва 3 та ирригация объектлари фойдаланишга топширилди.
Жорий йил 24 октябрда Сурхондарё вилоятининг Термиз туманидаги Ўзбекистон ва Афғонистон чегарасида ташкил этилган “Термиз халқаро савдо маркази” эркин савдо зонасида ҳудудий тармоқлараро саноат ярмаркаси бошланди.
