Мулоқот давомида томонлар шу йил 30 ноябрда Тошкентда бўлиб ўтадиган Барқарор ривожланиш мақсадларига эришишда парламентлараро ҳамкорлик бўйича II глобал форумда Ҳиндистон делегациясининг иштироки юзасидан фикр алмашдилар.
Учрашувда Ўзбекистон ва Ҳиндистон ўртасида парламентлараро алоқалар мустаҳкамланиб борилаётганлиги, Барқарор ривожланиш мақсадларига эришишда парламентлар ҳамкорлигини янада кучайтириш зарурлиги, миллий мақсад ва вазифаларга эришишдан Ҳиндистон парламенти ҳам манфаатдор эканлиги алоҳида таъкидлаб ўтилди.
Мулоқот жараёнида ўзаро қизиқиш уйғотган бошқа масалалар ҳам муҳокама этилди.
Учрашув якунида томонлар яқин мулоқотни ва ҳамкорликни мустаҳкамлашга келишиб олдилар, деб хабар беради Олий Мажлис Сенати матбуот хизмати.
Эслатиб ўтамиз, Ўзбекистонда илк маротаба Барқарор ривожланиш мақсадлари ойлиги ҳамда шу кунларда 16 та миллий мақсадлар муҳокамасига бағишланган туркум тадбирлар ўтказиб бориляпти. Барқарор ривожланиш мақсадлари ойлиги Барқарор ривожланиш мақсадларига эришишда парламентлараро ҳамкорлик бўйича II глобал форум билан якунланади.
