Қайд этилишича, копания ўзининг 100 йиллигига ушбу автомобилдан 33 дона ишлаб чиқаришни режа қилган. Ушбу машина икки турболи бўлиб, 5,2 литрли V10 дивегатили билан жиҳозланган. У 14 сонияда 300 км/соат тезликка эриша олади. Компания мутахассислари ҳозирча тезлик намойишини ўтказмаганини айтди.
Компания раҳбарининг таъкидлашича, автомобиль саноатида GB110 пластик чиқиндилар билан ишлайдиган биринчи автомобиль бўлади. Шунингдек, у Селеcт Фуел компанияси билан ҳамкорликда поликарбонат материалларини, қайта тикланадиган ёқилғига айлантириш учун патентланган технологияни ишлаб чиқилганини айтди.
– Биз турли технологиялардан фойдаланган ҳолда атроф-муҳит ифлосланишига қарши курашмоқдамиз. Пластик чиқиндилар шунчаки чиқинди эмас балки, қимматли манба сифатида кўриб чиқилиши керак. Селеcт Фуел билан ҳамкорлигимиз орқали биз чиқиндиларни асл ҳолига қайтармоқдамиз, – деди Бертоне компанияси бош директори Жан-Франк Ричи.
Ишлаб чиқувчиларнинг таъкидлашича, GB110 2,79 сонияда 0 дан 100 км/соат тезликка, 6,79 сонияда 0 дан 200 км/соатгача тезликка эришади ва атиги 14 сонияда 300 км/соат тезликка чиқа олади. Машинанинг максимал тезлиги 380 км/соат ошади. Қувват етти поғонали икки муфтали узатмалар қутиси орқали барча тўрт ғилдиракка узатилади.
