Корхона фойдаланишга топширилгач, унинг ишлаб чиқариш қуввати 60 минг тонна (360 миллиард сўм)га тенг бўлиб, металл маҳсулотларининг 30 фоизидан ортиғи Қозоғистон, Тожикистон ва бошқа давлатларга экспорт қилинади. Шунингдек, 180 дан зиёд ишчи ўрни яратилади. Ҳозиргача корхона устав фондига Хитой Халқ Республикасидан 248 минг доллар миқдорида тўғридан-тўғри инвестиция маблағлари жалб этилди.
Тошкент вилояти ҳокимлиги ахборот хизмати маълумотларига кўра, бугунги кунда корхонани қуриш ишлари бошланган. Ҳозиргача хорижий ҳамкор давлатдан 4 та ускуналар олиб келинди. Яқин кунларда яна бошқа жиҳозларни келтириш ҳам кўзда тутиляпти.
