Нафас йўллари саратони билан оғриган беморлар кўпинча ўсимтага қарши иммунитет тизимини фаоллаштирувчи препаратлар билан даволанади.
Олимлар ҳозирги кунга қадар COVID -19 га қарши эмлаш саратон касаллигини даволаш самарадорлигини пасайтириши ёки жиддий ён таъсирга олиб келиши мумкинлигидан ҳавотирда эди.
Яқинда ўтказилган тадқиқот бу борада тўлиқ аниқлик берди.
Тадқиқотга кўра, Хитойнинг SinoVac вакцинаси билан эмланганидан кейин саратонга қарши препаратлар эмланмаган беморларга қараганда яхшироқ таъсир қилган.
Юртимизда Миллий профилактик эмлаш календари жорий этилган. Унга кўра, бугунги кунда болалар 13 турдаги юқумли касалликлар — вирусли гепатит В, сил, полиомиелит, ротавирус инфекция, бўғма, қоқшол, кўкйўтал, Хиб инфекция, қизамиқ, эпидпаротит, қизилча, пневмококк инфекция, ВПЧ-одам папиллома вирусларига қарши режали тарзда эмланади.
Коронавирусга қарши эмлаш режалаштирилган аҳолининг 83,3 фоизи тўлиқ вакцинация билан қамраб олинди. Бустер доза билан эмлаш қамрови 81,4 фоизга етказилди. Грипп касаллигига қарши эса 2,3 млн нафар аҳоли эмланди.
Бугун юртимизда коронавирус инфекцияси билан боғлиқ вазият барқарор. Бироқ Шимолий ва Жанубий Америка, Европа ва Шарқий Осиё минтақаларида жойлашган қатор мамлакатлардаги эпидемиологик ҳолат ҳануз мураккаблигича қолмоқда.
Инсоният коронавирус инфекцияси билан ёнма-ён яшашга кўникди. Энди бу касаллик одамларда аввалгидек кучли ваҳима ва хавотир уйғотмай қўйгани ҳам рост. Аммо бу хотиржамлик ортидан инсоният эҳтиёткорликни унутаётгани ташвишланарли.
