Низом корпоратив буюртмачилар билан тадбиркорлик субъектлари ўртасида ихтиёрийлик асосида кооперация алоқаларини ўрнатиш ва ушбу жараёнда давлат харидларини амалга ошириш тартибини белгилайди.
Низомда қуйидагилар назарда тутилган:
- корпоратив буюртмачилар томонидан импорт қилиниш режалаштирилган маҳсулотлар рўйхатини шакллантириш ва эълон қилиш;
- кооперация алоқаларини ўрнатиш учун тадбиркорлар таклифларини қабул қилиш тартиби ва уларни баҳолаш мезонларини белгилаш;
- тадбиркорлар билан кооперация алоқаларини ўрнатиш бўйича битим тузиш;
- кооперация алоқаларини ўрнатган тадбиркорлар маҳсулотларини давлат буюртмачиларига сотиш имкониятларини яратиш.
Кооперация алоқаларини ўрнатиш учун корпоратив буюртмачининг бошқарув органлари қарорига мувофиқ бошқарув ходимлари орасидан камида беш нафар аъзодан иборат таркибда комиссия тузилади.
“Кичик бизнесга кўмаклашиш маркази” МЧЖ кичик тадбиркорлик субъектларига кооперация алоқаларини ўрнатиш бўйича бизнес лойиҳаларини ишлаб чиқишга кўмаклашади.
