Хусусан, касалликни жиловлаш мақсадида қўлланилган қатъий карантин чекловлари ва «локдаун» қоидалари чақалоқлар дунёга келишини кескин камайтирди.
Яъни бу даврда тиббиёт муассасаларининг юклама билан ишлаши, ҳомиладорлик даврида хасталикни юқтиришдан кучли қўрқув ва иқтисодий муаммолар аксарият ота-оналарни фарзандли бўлиш режасидан вақтинча воз кечишга ундади.
ЖССТнинг дастлабки ҳисоб-китобларига кўра, бу борада Болтиқбўйи мамлакатлари ва Руминияда шиддатли пасайиш динамикаси қайд этилиб, кўрсаткичлар мос равишда 28 ва 23 фоизни ташкил этган. Европа Иттифоқининг қолган давлатларида эса камайиш ҳолатлари 14 фоизга етган.
Ташкилот экспертлари хулосасига кўра, коронавирус чекловлари қанча узоқ давом этса, болалар туғилиши ҳам шунча озаяверади.
Шунга қарамай, бу глобал муаммо Швецияни бутунлай чеклаб ўтгани бежиз эмас. Чунки бу ерда COVID-19 эпидемияси у қадар катта талафот ва йўқотишларни келтириб чиқармади. Шу сабабли расмийлар мамлакатда қатъий карантин чораларини жорий этмади.
Бинобарин, ўтган йил давомида Буюк Британияда туғруқлар сони 13 фоиз, Шотландия ва Францияда 14 фоиз ҳамда Испанияда 23 фоизга камайган, деб хабар беради Соғлиқни сақлаш вазирлиги матбуот хизмати.
