“The Guardian” нашрининг ёзишича, тамаки чекмаган одамларнинг ўпка саратони билан касалланишига экология ёмонлашуви ва ҳаво ифлосланиши сабаб бўлаётган бўлиши мумкин.
Халқаро саратонни ўрганиш агентлиги (ИАРC) маълумотларига кўра, ўпка саратони бутун дунё миқёсида онкологик касалликлардан ўлимнинг бешинчи энг кенг тарқалган сабабидир. 2022 йилда бу касаллик 2,5 миллион кишида аниқланган. Ўпка саратони билан касалланишнинг энг юқори кўрсаткичлари Шарқий Осиё мамлакатларида, айниқса Хитойда қайд этилган.
Олимларнинг таъкидлашича, чекмайдиган одамларда ўпка саратони кўпинча аденокарцинома шаклида намоён бўлади. 2022 йилда бу касаллик эркакларда ўпка саратони ҳолатларининг 45,6 фоизини, аёлларда эса 59,7 фоизини ташкил этган. 2020 йилда ушбу кўрсаткичлар мос равишда 39,0 ва 57,1 фоиз эди.
Тадқиқотчилар, шунингдек, аёллар ўртасида ўпка саратони билан касалланиш сезиларли ўсганини қайд этмоқда. 2022 йилда у бутун дунё бўйлаб 900 минг аёлда аниқланган.
