Ўзбекистон Республикаси делегациясига Ташқи ишлар вазири ўринбосари Фурқат Сидиков бошчилик қилди.
Тадбир иштирокчилари минтақадаги мавжуд таҳдидлар хавф-хатарларга қарши кураш борасида амалга оширилаётган саъй-ҳаракатларни, МОПДММ билан ҳамкорликнинг бугунги ҳолати ва истиқболлари, шунингдек, етакчи ёшлар билан мулоқот учун йўлга қўйилаётган имкониятларни муҳокама қилдилар.
«БМТнинг Марказий Осиёдаги глобал терроризмга қарши стратегияси доирасида Қўшма ҳаракатлар режасини амалга ошириш йўлида» қўшма лойиҳасининг учинчи босқичи якунлари кўриб чиқилди. Лойиҳанинг тўртинчи босқичи асосий йўналишлари тақдимоти бўлиб ўтди.
«Яшил» кун тартибини илгари суриш, экология ва биохилма-хилликни сақлаш, табиий ресурслардан оқилона фойдаланишда минтақавий ҳамкорликни янада ривожлантириш масалалари муҳокама қилинди, деб хабар беради Ташқи ишлар вазирлиги матбуот хизмати.