Нидерландиянинг Эйндховен шаҳрида таэквондо WТ бўйича Dutch Open халқаро мусобақаси бўлиб ўтди. Унда Ўзбекистон терма жамоасининг 8 нафар вакили медаллар учун кураш олиб борди.
Ўзбекистон таэквондо WT ассоциацияси матбуот хизмати хабарига кўра, уларнинг 5 нафари совриндор бўлди.
Шуҳрат Салаев, Жасур Жайсунов ва Никита Рафалович барча рақибларни мағлуб этиб, олтин медални қўлга киритди. Улуғбек Рашитов ҳамда Светлана Осипова эса бронза медалга эга чиқди.
"Dutch Open-2023" совриндорлари:
Олтин – Шуҳрат Салаев;
Олтин – Жасур Жайсунов;
Олтин – Никита Рафалович;
Бронза – Улуғбек Рашитов;
Бронза – Светлана Осипова.
Жорий йил 1-3 июнь кунлари Корея Республикасининг Мунгёнг шаҳрида таэквондо WТ бўйича харбийлар ўртасида 27-Жаҳон чемпионати ўтказилди. Турнирда 20 дан ортиқ мамлакатдан ташриф буюрган 300 спортчи ғолиблик учун кураш олиб борди.
Шу пайтгача терма жамоа бош мураббийи сифатида фаолият олиб борган мутахассис Павел Хан Ўзбекистон таэквондо WТ ассоциацияси раисининг ўринбосари лавозимига тайинланди. Бу ҳақида ассоциация матбуот хизмати маълум қилди.
