Бу бўйича Транспорт вазирлиги йўловчиларга маълумот берди.
Қайд этилишича, йўловчиларга қўшимча қулайлик яратиш мақсадида QR-чипталарни “Paynet” шохобчалари орқали ҳам сотиб олиш имконияти яратилди. Бу каби шохобчалар сони шаҳар бўйлаб 2700 тани ташкил этмоқда.
Аввал йўловчилар бир марталик QR-чипталарни шаҳар бўйлаб ўрнатилган 5000 дан ортиқ ўз-ўзига хизмат кўрсатиш инфокиоскларидан харид қилишлари мумкин эди.
Эндиликда QR чипталарни 8 000 га яқин нуқтадан сотиб олиш имконияти яратилди.
Олий Мажлиси Қонунчилик палатасининг навбатдаги мажлисида “Ўзбекистон Республикасининг Маъмурий жавобгарлик тўғрисидаги кодексига жамоат транспортидан фойдаланиш самарадорлигини оширишга қаратилган қўшимча ва ўзгартиришлар киритиш ҳақида“ги қонун лойиҳаси иккинчи ўқишда кўриб чиқилмоқда.
Тошкент шаҳрида шу йилнинг 1 январидан бошлаб барча автобусларда йўлкира тўловларини нақд шаклда тўлаш тўхтатилди. Эндиликда Йўл ҳақини нақд пул кўринишида берган йўловчи жаримага тортилиши мумкин.
2025 йил 1 январдан бошлаб автобусларда нақд пул қабул қилиш чекланганлиги ва бу жараён қандай тартибда амалга оширилишини йўловчиларга яқиндан тушунтириш мақсадида, назоратчилардан иборат махсус ишчи гуруҳ ўз фаолиятини бошлади.
