Бу ҳақда Арманистон Бош вазири Никол Пашинян Армия кунига бағишланган нутқида айтиб ўтди.

“Биз Озарбайжонга қурол-яроғларни ўзаро назорат қилиш механизмини жорий этишни таклиф қилдик. Шунингдек, агар тинчлик шартномасини имзолаш кутилганидан кўра кўпроқ вақт оладиган бўлса, ҳужум қилмаслик тўғрисидаги пактни имзолаш таклиф қилинди”, деди Пашинян.

У, шунингдек, Арманистон тинчлик кун тартибига содиқ эканини ва ундан четга чиқмаслигини қайд этди, деб хабар беради tass.ru.