Кинематография агентлиги ташаббуси билан “Маҳаллада дув-дув гап”, “Маҳалламизда янги Ўзбекистоннинг янги кинофильмлари” номи остида турли ҳудудларда таниқли киноижодкорлар билан учрашувлар ва миллий фильмлар намойишлари бўлиб ўтмоқда.
Эртага Миллий кинематографияни ривожлантириш Маркази томонидан Шайхонтоҳур тумани Кўкча маҳалласида Наврўз сайли бўлиб ўтади. Унда таниқли киноижодкорлар Умид Шодмонов, Умид Искандаров, Нигина Анорбоева, Шавкат Комиловлар иштирок этади.
Маълумот учун, Наврўз арафаси таниқли киноижодкорлардан иборат Кинокарвон вилоятлар бўйлаб ижодий сафарга чиқиши белгиланган. Шунингдек, халқимиз учун миллий фильмлар намойиши ҳам кўзда тутилган.
Кинематография агентлиги Ахборот хизмати
