Жиззах шаҳрининг “Хайробод” маҳалласида яшовчи И.М. ички ишлар органларига фирибгарлик бўйича мурожаат қилди.
Унинг ёзишича, ўғли М.Т.ни Шароф Рашидов туманининг “Хайробод” маҳалласида истиқомат қилувчи А.Я. Америкага ишлашга юборишини айтиб, 14 минг 300 АҚШ доллари олган, лекин фарзандини Жанубий Африкага жўнатган.
Ўғил Африкада чорасиз қолиб кетгач, А.Я. отасидан вазиятни ўнглаш учун яна 6 минг 700 АҚШ доллари талаб қилган.
Мазкур мурожаат асосида тезкор тадбир ўтказилиб, 6 минг 700 АҚШ долларини олган А.Я. ушланди.
Ҳолат юзасидан жиноят иши қўзғатилган.
