Бу мазкур ташкилот тарихидаги бир урушда ҳалок бўлган ходимлар бўйича энг юқори кўрсаткичдир.

“7 октябрдан буён кўплаб инсонпарварлик йўналишида фаолият юритган ходимлар, жумладан UNRWAнинг 88 нафар ходими ҳалок бўлди. Бу Бирлашган Миллатлар Ташкилотининг битта можарода кўрган энг катта йўқотишидир. “Биз яна бир бор томонларни халқаро гуманитар ҳуқуқ ва инсон ҳуқуқлари бўйича ўз мажбуриятларини ҳурмат қилишга чақирамиз”, дейилади БМТ Бош котибининг гуманитар масалалар бўйича ўринбосари, Мартин Гриффитс, Жаҳон соғлиқни сақлаш ташкилоти раҳбари Тедрос Аданом Гебреисус, БМТ Болалар жамғармаси ижрочи директори Кэтрин Рассел ва бошқалар томонидан имзоланган баёнотда.

Ҳужжатда, шунингдек, Ғазо секторини етарли миқдорда сув, озиқ-овқат, дори-дармон ва ёқилғи билан таъминлаш зарурлиги таъкидланган. Шунингдек, гуманитар амалдорлар барча гаровга олинганларни зудлик билан озод қилишни ва фуқаролик инфратузилмасини, жумладан, касалхоналар, бошпана ва мактабларни ҳимоя қилишни талаб қилди.

Исроил ва Ғазо секторини назорат қилаётган Фаластиннинг Ҳамас радикал ҳаракати ўртасидаги уруш 7 октябрдан бери давом этмоқда. Бу Исроил ҳудудига юзлаб ракеталар отилиши, қатор ҳудудларнинг эгаллаб олиниши ва одамларни гаровга олинганиши билан бошланди. Исроил маълумотларига кўра, жангларда 1,4 минг киши қурбон бўлган, 5,4 минг киши жароҳатланган. Ғазо сектори Соғлиқни сақлаш вазирлиги маълумотларига кўра, 9,5 минг киши ҳалок бўлган, 24,2 минг киши жароҳатланган, деб хабар беради kommersant.ru.