Bild газетасининг хабар беришича, ёнғин, дастлабки маълумотларга кўра, палаталардан бирида бошланган. Ёнғин сигнализацияси чалинган. Тахминларга кўра, марҳум ёнғин содир бўлган палатадаги бемор бўлган.
Воқеа жойига етиб келган ўт ўчирувчилар ёнғинни ўчиришди.
13 нафар бемор тутундан нафас олгани ёки бошқа тиббий ёрдамга муҳтожлиги сабабли бошқа шифохоналарга ўтказилган. Бир нечта ўт ўчириш машиналари, тез ёрдам машиналари ва тиббиёт ходимлари жалб қилинган. Шифохонанинг айрим қисмларидан фойдаланиш имконсизлиги сабабли 150 нафарга яқин беморни яқин атрофдаги поликлиникаларга ўтказишга тўғри келди.
Ёнғиннинг аниқ сабаблари аниқланмади. Полиция тергов ишларини олиб бормоқда, деб хабар беради report.az.
