Ўзбекистон Республикаси Президентининг 2022 йил 6 июлдаги 165-сонли Фармонига асосан Ғиждувон тумани ҳам инновацион туман этиб белгиланди.
2022 йил декабрь ойида Ғиждувон тумани ҳокимлиги томонидан "Ғиждувон тумани Инновацион ҳудуд" логотипини яратиш бўйича танлов эълон қилинган эди.
Мазкур танловда 100 дан ортиқ иштирокчилар ўз маҳоратларини кўрсатиб фаол иштирок этишди. Ғиждувон туман ҳокимлигининг ҳайъат аъзолари фикрига кўра танлов иштирокчиси Муҳаммаддиёр Турсунов ғолиб деб топилди.
Жорий йилнинг 20 январь куни танловнинг тақдирлаш маросими бўлиб ўтди. Фаол иштирокчилар ташаккурнома ва бадиий китоблар тўпламига эга бўлишди ва танлов ғолибига 7 миллион сўмлик ваучер топширилди.
