“Бугун эрталаб Грознийга учта учувчисиз учиш қурилмаси ҳужум қилди, уларнинг иккитаси ҳаво ҳужумидан мудофаа кучлари томонидан уриб туширилди, учинчиси Россия гвардиясининг Чеченистон Республикаси бўйича бошқармасининг АХМАТ-Грозний махсус мақсадли мобил отряди ҳудудига тушди.
Рамзан Қодировнинг аниқлик киритишича, ҳужумда қурбонлар ва жароҳатланганлар йўқ.
Шу билан бирга, Қодиров Украина қуролли кучларининг Россия ҳудудидаги объектларга ҳужум қилишга бўлган ҳар қандай уринишга жавоб “аниқроқ ва қатъийроқ” бўлишини таъкидлади. “Шунинг учун бугун мен кўп сонли украиналик фашистларнинг жойлашуви тўғрисида разведкачи аскарларимиз томонидан тўпланган оператив маълумотларни узатдим. Натижада, кундузи соат 12 да Россия Аэрокосмик кучлари “Искандер” воситасида 82-алоҳида ҳаво ҳужуми бригадаси аскарлари жойлашган Харьковдаги объектлардан бирига икки бор зарба берди”, деди у.
Қодиров таъкидлаганидек, россиялик ҳарбийларнинг ҳаракатлари натижасида 200 га яқин украиналик жангари йўқ қилинган.
Киев деярли ҳар куни учувчисиз учиш қурилмалари воситасида Россиянинг чегара ва марказий ҳудудларидаги нишонларга ҳужум қилишга ҳаракат қиляпти. Ҳаво ҳужумидан мудофаа кучлари душман учиш қурилмаларини муваффақиятли тутиб олмоқда, деб хабар беради ria.ru.
