Қайд этилишича, “Имкониятлар олимпиадаси“ни ташкил этишдан мақсад — ногиронлиги бўлган шахсларни ўз салоҳиятини рўёбга чиқаришини қўллаб-қувватлаш, касбий кўникмаларини ривожлантириш, ижтимоийлаштириш, ўзига бўлган ишончини ошириш ва меҳнат бозорида уларнинг ўрнини мустаҳкамлашдан иборат.
Жорий йилда “Имкониятлар олимпиадаси“ иштирокчилари 10 та касблар бўйича ўзаро беллашадилар.
- фотография;
- АКТ (ахборот коммуникация технологиялари);
- мобилография;
- рассомчилик;
- каштачилик;
- кулолчилик;
- қандолатчилик;
- торначилик;
- дурадгорлик;
- қуруқ қурилиш ишлари.
Танловда 389 нафар ногиронлиги бўлган шахс иштирок этиш истагида махсус платформада рўйхатдан ўтган.
Якуний босқичи ва тақдирлаш маросими 1-2 май кунлари “Ўзэкспомарказ“да ўтказиладиган “Инсон учун“ республика ярмаркаси доирасида бўлиб ўтади.
