Индонезия телеканали ижодкорлари “Muslim Traveler” кўрсатувини Ўзбекистонда суратга олади.
Таъкидланишича, кўрсатув эпизодлари Самарқанд ва Бухорода тасвирга олинади. Бу борада Индонезиядаги учрашувларда келишувга эришилган.
Самарқанд вилояти ҳокимлиги, маданият ва туризм вазирлиги ҳамда тегишли ташкилотлардан иборат делегация Малайзия ва Индонезияда бўлди. Мақсад — Ўзбекистонга туристлар, авиакомпаниялар ва инвесторларни жалб қилиш.
“Индонезиянинг “NET MEDIA” компанияси стратегик ривожланиш масалалари бўйича вице-президенти Эко Ювоно билан учрашувда Ўзбекистоннинг туризм салоҳияти тўғрисида ҳамкорликда видеокўрсатув тайёрлаш масаласи ҳам муҳокама этилди”, — дейилади хабарда.
Учрашув якунига кўра, февраль–март ойларида тасвирга олиш гуруҳи аъзоларининг Ўзбекистонга ташриф буюриши ва “Muslim Traveler” кўрсатувини Самарқанд ва Бухорода тасвирга олиш ва эфирга узатишга доир келишувга эришилган.
