Жанубий Корея парламенти президент вазифасини бажарувчига қарши импичмент учун овоз берди

Жанубий Корея президенти вазифасини бажарувчи Хан Док Су мамлакат Миллий ассамблеяси (парламент) томонидан ўтказилган овоз беришдан сўнг лавозимидан четлаштирилди.

Yonhap ахборот агентлиги хабарига кўра, Миллий ассамблеяда овоз бериш бўлиб ўтди, унда 192 депутат президент вазифасини бажарувчи Хан Док Суга импичмент эълон қилиш учун овоз берди. Шу билан бирга, бирорта депутат бунга қарши чиқмади.

Бу мамлакат тарихида биринчи марта вақтинчалик давлат раҳбарига нисбатан импичмент эълон қилиниши.

Хан Док Сунинг импичменти бир кун аввал Жанубий Кореянинг асосий мухолифатдаги Демократик партияси ташаббуси билан илгари сурилган эди. Президент вазифасини бажарувчи Конституциявий суд судьяларини режали тайинлашдан бош тортгач, Демократик партия ана шундай ташаббус билан чиқди. Ушбу суд Жанубий Кореянинг собиқ президенти Юн Сук Ёлнинг импичменти бўйича қарор қабул қилиши керак бўлади.

Хан Док Су 14 декабрдан бери, Юн Сук Ёл лавозимидан четлаштирилгандан кейин президент вазифасини бажарувчи сифатида ишлаб келаётган эди, деб хабар беради aa.com.tr.

Жанубий Корея президенти вазифасини бажарувчи Жо Байден билан телефон орқали суҳбатлашди

Корея Республикаси Президенти вазифасини бажарувчи Хан Дук Су АҚШ президенти Жо Байден билан телефон орқали икки томонлама иттифоқ ва Корея ярим оролидаги вазиятни муҳокама қилди.

Тошкент шаҳар ҳокими «BOMI Engineering & Construction» компанияси президенти билан учрашди...

Учрашувда Шавкат Умурзаков Тошкентда амалга оширилаётган кенг кўламли ислоҳотлар, шунингдек, яратилган қулай инвестиция муҳити ҳақида батафсил маълумот берди. Хорижий инвесторларга тақдим этилаётган шароит ва кафолатларга алоҳида эътибор қаратилди, бу эса пойтахтни халқаро ҳамкорлик учун жозибадор марказга айлантираётгани таъкидланди.

Жанубий Корея парламенти президент вазифасини бажарувчига қарши импичмент учун овоз берди