Стратегик режа 2024 йил сентябридан 2025 йил февралигача амал қилади ва 135 миллион доллар маблағ талаб қилади. Глобал, минтақавий ва миллий саъй-ҳаракатларни мувофиқлаштириб, дастур кузатув ва жавоб стратегияларини яхшилаш, диагностика ва вакциналардан адолатли фойдаланишни таъминлаш, ҳайвонлардан одамга юқишни камайтириш ва эпидемияга қарши курашиш учун жамоаларни кучайтиришга қаратилган.

Эмлаш режаси хавф остида бўлган беморлар ва тиббиёт ходимларининг яқин доиралари каби инфекция занжирларини бузишга қаратилган. Асосий эътибор стратегик йўл-йўриқ ва тавсиялар бериш, шунингдек, зарар кўрган ҳудудлардаги заиф аҳолининг тиббий ёрдамдан фойдаланишини таъминлашга қаратилади.

— Конго Демократик Республикаси ва қўшни мамлакатларда чечак эпидемиясини назорат қилиш ва тўхтатиш мумкин, — деди ЖССТ Бош директори Тедрос Адханом Гебрейесус.

ЖССТ баёнотига кўра, тез орада маблағ йиғиш учун мурожаат бошланади.