Сан-Франсискодаги Федерал округ судига берилган 22 саҳифалик шикоятда Трамп федерал қонун ва Конституцияни бузганлиги айтилган. Штат суддан Миллий гвардияни жойлаштиришни тўхтатишни ва улар устидан назоратни губернаторга қайтаришни сўради.
“Трамп бир неча бор фавқулодда ваколатлардан қонуний ижро этувчи ҳокимият чегараларидан ошиб ўтиш учун фойдаланган. 7 июнь, шанба куни у яна бир мисли кўрилмаган ҳокимиятни қўлга киритиш учун, бу сафар Калифорния суверенитети эвазига ва губернаторнинг ваколати ва штат Миллий гвардияси бош қўмондони ролига зид равишда маҳаллий назорат остидаги норозилик намойишидан фойдаланди.
АҚШ Иммиграция ва божхона назорати (ICE) ноқонуний муҳожирларга қарши ўтказган рейдлари ортидан оммавий тартибсизликлар авж олган ва АҚШ ҳукумати Калифорнияга 2000 нафар миллий гвардиячи ва 700 денгиз пиёдасини жўнатди, ўнлаб одам ҳибсга олинди. Намойишлар Лос-Анжелес ва Сан-Франсискога тарқалди. Намойишчиларни тарқатиш учун кўздан ёш оқизувчи газ ва гранаталардан фойдаланилган. Губернатор Оқ уй қарорини ноқонуний деб атади ва Миллий гвардияни зудлик билан чақириб олишни талаб қилди, деб хабар беради rbc.ru.
