Россия Соғлиқни сақлаш вазирлигининг гинекология бўйича мутахассиси Лейла Адамяннинг маълум қилишича, дунёда қарийб 150 минг аёл ҳомиладорлигидан бехабар ҳолда коронавирусга қарши эмланган. Уларнинг фарзандлари ҳақидаги маълумотларга кўра, эмлаш болаларга салбий таъсир кўрсатмаган. Бундан ташқари, антитаначалар йўлдош орқали болага ўтиб, уни коронавирусдан ҳимоя қилган.
«Дунёда ҳомиладорлигини билмаган ва эмланган аёллар 147 минг болани дунёга келтирган. Эмлаш ҳомиладорликка, ҳомилага таъсир қилмаслиги аниқ», — дейди Адамян. Унинг сўзларига кўра, эмланган аёл ҳатто ҳомиладорлик пайтида коронавирус билан касалланса ҳам, унинг тузалиши қийин бўлмайди.
