Бу ҳақда республика ташқи ишлар вазири вазифасини бажарувчи Абдалла Бу Ҳабиб маълум қилди, деб хабар беради report.az.

“Агар Исроил Ливанга бостириб кирса, бу ташқи ўйинчилар иштирок этадиган минтақавий урушга олиб келиши мумкин”, деди вазир вазифасини бажарувчи. “Можаро нафақат Ливан ва Исроил учун ҳалокатли оқибатларга олиб келади, балки қўшни Сурия ва Иордания учун ҳам даҳшатли бўлиши мумкин”.

Бу Ҳабиб, шунингдек, Ливан ҳукумати Исроил билан чегарада барқарорликни тиклаш ва мавжуд чегарадаги келишмовчиликларни музокаралар йўли билан ҳал этиш тарафдори эканини таъкидлади. “Бир-бирини ўлдириш энг яхши ечим эмас, бу хавфсизликни таъминламайди, бизга мулоқот ва хотиржамлик керак”, деди у.

Унинг сўзларига кўра, “жанубдаги барқарорлик пировардида кучли Ливан армияси ва чегара келишувига боғлиқ”. “Бу 2006 йилда Исроил ва жанубдаги “Ҳизбуллоҳ” шиалар ўртасидаги можарони тўхтатган БМТ Хавфсизлик Кенгашининг 1701-резолюциясининг барча томонлар томонидан қатъий бажарилишига боғлиқ”, дея таъкидлади у.