Қайд этилишича, ЙТҲ бугун эрталаб Испания шимоли-ғарбидаги Самора вилоятида содир бўлган, футболчи машинада Португалиянинг иккинчи дивизиони “Пенафиел“ клубида ўйнаётган 26 ёшли укаси Андре Силва билан бирга бўлган.
Маълумотларга кўра, авария Испаниянинг Самора провинциясидаги Санабрия тумани яқинида содир бўлган. Диогу Жота ва унинг укаси кетаётган машина трассадан чиқиб кетган, сўнг ёнган. Шифокорлар ёнғин оқибатида икки киши ҳаётдан кўз юмганини маълум қилган.
Маълумот ўрнида, июнь ойининг охирида Диогу Жота уйлангани ҳақида хабар қилинган эди. Бир суткадан камроқ вақт олдин футболчи тўйидан фото ва видеоларни ижтимоий тармоқларда эълон қилган эди.
