Шу йилнинг 19 июнь куни Самарқанд шаҳридаги “Боқий шаҳар“ мажмуасида айнан шундай, илҳомбахш кун бўлди — республикамизнинг иқтидорли ёшларига бағишлаган ҳақиқий истеъдод байрами ташкил этилди.
Мен учун фарзандларимизнинг самимий ва беғубор ҳис-туйғуларини ҳамда чақнаб турган кўзларини кўришдан кўра кучлироқ илҳомлантирувчи нарса йўқ, — дейди Саида Мирзиёева.
Ҳар бир лаҳза ўзгача маъно-мазмун касб этди. “Турон“ театр кўрик-танлови ғолибларининг тақдирланиши, “Иқтидор“ танлови финалчилари — мактаб ансамблларининг ёрқин чиқишлари юртимизда нақадар ижодий салоҳиятли ва умидли авлод етишиб чиқаётганини кўрсатди.
Қобилиятини, юқори даражадаги маҳоратини намоён этган барча жамоаларни чин юракдан табриклайман, — деб ёзади Президент ёрдамчиси ўзининг Телеграм каналида.
Шунингдек, ушбу тадбир олдидан Мактабгача таълим вазирлигининг ҳудудий бошқармалари раҳбарларига хизмат автомашиналари топширилди.
