Ўзбекистон Республикаси мактабгача ва мактаб таълими вазирининг биринчи ўринбосари — Мактабгача таълим агентлиги директори А.Шин бугун Корея-Ўзбекистон Бизнес Ассоциацияси раисининг биринчи ўринбосари жаноб Ким Чанг Кеон ва «EdulinkGlobal»нинг Ижрочи директори Чунгрим Хан хоним билан учрашув ўтказди.
Учрашув давомида Ўзбекистон Республикаси мактабгача таълим тизимини рақамлаштиришга қаратилган «S-board» таълим платформасини жорий этиш бўйича долзарб масалалар муҳокама этилди. Томонлар, шунингдек, «S-board» платформаси ишлаб чиқувчиларини мамлакатимиз мактабгача таълим тизими педагоглари учун онлайн ўқув семинарларини ўтказишга таклиф этиш масаласини муҳокама қилдилар.
Жаноб Ким Чанг, ўз навбатида, Корея-Ўзбекистон Бизнес Ассоциацияси Ўзбекистонда мактабгача таълим тизимини янада ривожлантиришга кўмаклашишини ва Мактабгача таълим агентлиги билан амалга оширилаётган барча қўшма лойиҳаларни муваффақиятли амалга ошириш учун барча саъй-ҳаракатларини амалга оширишини маълум қилди, деб хабар беради Мактабгача таълим агентлиги матбуот хизмати.
Учрашув якунида томонлар республика аҳолиси ўртасида «S-board» таълим платформасини оммалаштириш бўйича саъй-ҳаракатларни бирлаштиришга қарор қилдилар.
