Айни кунларда Олий таьлим муассасалари талабалари ва мактаб ўқувчиларини китобга жалб этиш, уларнинг мутолаа маданияти ва саводхонлигини ошириш, уларни ватанпарварлик руҳида тарбиялашга қаратилган "Маърифат улашиб" лойиҳаси амалга оширилмоқда.
Мазкур лойиҳа доирасидаги тадбирлар Ўзбекистон давлат консерваторияси ҳамда Учтепа туманидаги 62, 229-мактабларда ҳам бўлиб ўтди.
Ўзбекистон давлат консерваторияси Ёшлар масалалари ва маънавий-марифий ишлар бўйича биринчи проректори Юлдуз Хуснитдинова, Ёшлар билан ишлаш, маънавият ва маърифат бўлими бошлиғи Асатилла Раҳманов, Мусиқа санъати факултети тютори Миркомил Мўминов ва Республика Маънавият ва маьрифат маркази Учтепа туман бўлими бош мутахассиси С.Норқобиловалар тумандаги 62 ва 229-мактаб ўқувчилари билан учрашди.
Тадбирда Ўзбекистон ёзувчилар уюшмаси аьзоси, таниқли шоир Мухтарама Улуғова, Ўктам Мирзаёров ва Гулноза Саттаровалар иштирок этди.
Ижодий учрашувда меҳмонлар ўз ҳаёт йўллари, мутолаа маданияти, китосеварлик, ёшларни баркамол ва ватанпарварлик руҳида тарбиялашда китобнинг ўрни ҳақида сўз юритилди.
Қизиқарли ва шукуҳли ўтган тадбирда мактаб ўқувчилари томондан тайёрланган турли саҳна кўринишлари учрашувга юқори кайфият бахш этди.
Бундан ташқари мактаб ҳудудига Яшил макон лойиҳаси доирасида мевали ва манзарали дарахт кўчатлари ўтқазилди.
Лойиҳа доирасидаги иккинчи тадбир Ўзбекистон давлат консерваториясида бўлиб ўтди.
Унда шоирлар Консерватория талабалари билан учрашди. Ижодий учрашув доирасида бўлиб ўтган Заковат интеллектуал ўйини, турли спорт мусобақалари, талабалар томонидан тайёрланган мусиқий чиқишлар – дуторчилар, доирачилар ансамбли ва талабалар томонидан ижро этилган қўшиқлар иштирокчиларга ўзгача кайфият улашди.
Шоирлар томонидан ватанпарварлик, севги-муҳаббат мавзуларидаги ўқилган шеърлар талабаларга кўтаринки кайфият бағишлади.
Тадбир иширокчилари Консерваториянинг талабалар турар жойига ташриф буюриб, у ерда яратилган шароитлар билан танишди, Консерватория ҳудудига дарахт кўчатлари экилиб, ушбу кўчатларга шоирлар номи берилди.
Тадбир якунида шоирларга Ўзбекистон давлат консерваторияси ректорининг ташаккурнома ва эсдалик совғалари Ёшлар масалалари ва маънавий-маърифий ишлар бўйича биринчи проректор Юлдуз Хуснитдинова томонидан топширилди.
