Жорий йил йил 27 июнда Маскат шаҳрида биринчи Ўзбекистон -Ўмон бизнес-форуми бўлиб ўтди.
Форумда ахборот технологиялари, кимё саноати, транспорт-логистика, тўқимачилик, автомобилсозлик, нефть-газ саноати, қишлоқ хўжалиги, сайёҳлик каби энг муҳим йўналишлардан 150 дан ортиқ ишбилармонлар қатнашди.
Бу ҳар икки томоннинг ҳамкорликни ривожлантиришга интилаётганидан дарак бериши таъкидланди. Форум Ўзбекистон ва Ўмон ўртасидаги иқтисодий шерикликни кенгайтиришга ҳисса қўшишига ишонч билдирилди, деб хабар беради Ташқи ишлар вазирлиги матбуот хизмати.
Ёшлар ойлиги доирасида жаҳон футболи афсоналари Ўзбекистонга ташриф буюрди. Бразилия ва Италиянинг яқин ўтмишдаги юлдузлари Дида, Сержинио, Кристиан Пануччи ва Кристиан Заккардо каби футболчилар Ўзбекистон футбол ассоциациясида меҳмон бўлди.
Руминия пойтахти Бухарест шаҳрида шахмат бўйича давом этаётган "Superbet Chess Classic Romania" турнирининг ортда қолган 3-турида ҳамюртимиз Нодирбек Абдусатторов мусобақада 2 очко билан етакчилик қилаётган америкалик Фабиано Кариану билан муроса йўлини танлади.
