Ўзбекистон Халқ демократик партияси Янгиқўрғон туман кенгаши, туман ҳокимлиги, туман Маҳалла хайрия жамғармаси ва бошқа ташкилотлар билан ҳамкорликда Исковот қишлоғи марказидаги «Диёр» тўйхона мажмуасида «Меҳр, саховат ва кўмак» деб номланган маданий-маърифий тадбир ўтказилди. Хайрия кечасига 160 нафар ногиронлиги бўлган фуқаро таклиф қилинди.
Байрам тадбирида сўзга чиққан ХДП Янгиқўрғон туман Кенгаши раиси С. Жуманова мамлакатимизда олиб борилаётган ислоҳотлар, эҳтиёжманд, ногиронлиги шахсларни қўллаб-қувватлаш юзасидан олиб борилаётган ислоҳотлар, амалий ишлар хусусида гапириб берди. Тадбир якунда эҳтиёжманд инсонларга 6 та ногиронлик аравачаси, 10 та қўлтиқ таёқ, 10 та эшитиш аппарати совға қилинди.
