Мурожаатни кўриб чиқиш давомида фуқаро A.Собиров фуқаро Ш.Тўраевнинг "Ишқингда куйган" номли шеърини унинг рухсатисиз тегишли тартибда шартнома тузмаган ҳолда YouTube платформасида, Телеграм ижтимоий тармоғида ҳамда тўй-ҳашамларда ҳақ эвазига қонунга хилоф равишда фойдаланиб, ижро этиб келганлиги аниқланди.
Қайд этилишича, ҳолат юзасидан фуқаро A.Собировга нисбатан Маъмурий жавобгарлик тўғрисидаги кодекснинг 177¹–моддаси 1-қисмида назарда тутилган ҳуқуқбузарлик содир этганлиги учун жарима жазоси тайинланди.
"Бундан ташқари, Ўзбекистон Республикаси “Муаллифлик ҳуқуқи ва турдош ҳуқуқлар тўғрисида”ги Қонунининг 65-моддасига мувофиқ ҳуқуқ эгаси зарарлар етказилиши фактидан қатъий назар ҳуқуқбузардан базавий ҳисоблаш миқдорининг 20 бараваридан 1000 бараваригача товон пули талаб қилиш ҳуқуқига эга", дейилади Aдлия вазирлиги Интеллектуал мулк департаменти хабарида.
