Куни кеча Жиззах мусиқали ва драма театрида Ўзбекистон давлат филармонияси ҳудудий бўлинмалари ўртасида 3-Республика кўрик-танлови ўтказилди.
Икки кун давомида иштирокчи ижодий жамоаларнинг чиқишлари тажрибали ҳакамлар ҳайъати томонидан баҳолаб борилди.
- Кузатувларимга асосланиб айта оламанки, ижодий жамоалар пухта тайёрланишган. Шу боисдан кўрик-танлов муросасиз ва қизғин кечди. Табиийки, бу ҳакамлар ҳайъатига қийинчилик туғдириши билан бирга, катта масъулият юклади, - дейди Маданият вазири Озодбек Назарбеков.
Якуний хулосага кўра, Наманган вилояти филармонияси ижодий жамоаси биринчиликни қўлга киритди. Фарғоналиклар иккинчи, Жиззах вилояти жамоаси 3-ўринга ҳамда фаол қатнашган жамоалар турли номинацияларга муносиб кўрилди.
