22 майдан 5 июнгача Наманган шаҳрида жойлашган Заҳириддин Муҳаммад Бобур номидаги маданият ва истироҳат боғида 61-Халқаро гуллар байрами бўлиб ўтади.
Унда 100 дан ортиқ маҳаллий ва хорижий гул етиштирувчилар иштирок этиши кутилмоқда.
Фестивал доирасида гулга бурканган автомобиллар карвони, рангли композициялар, ноёб ўсимликлар кўргазмалари, кўнгилочар дастурлар, маҳорат сабоқлари, машҳур санъаткорларнинг чиқишлари ва бошқа жуда кўп қизиқарли тадбирлар ўтказилади.
Байрамни 22 май куни гуллар паради очиб бериши режалаштирилган, деб хабар беряпти Hudud Inform.
