Бу ҳақда Навоий вилояти ИИБ хабар берди.
Шу йилнинг 1-июль куни кеч соат 19:20ларда Хатирчи тумани ҳудудидан ўтган 4р48 автомобиль йўлининг 127-км.да ҳаракатланиб бораётган "BYD SONG PLUS EV CHAMPION" русумли автомашина тартибга солинмаган пиёдалар ўтиш жойидан ўтаётган пиёдани уриб юборди.
Ҳозирда ҳолат юзасидан Ўзбекистон Республикаси Жиноят кодексининг 266 моддаси 2-қисми билан жиноят иши қўзғатилиб тергов ҳаракатлари олиб борилмоқда.
Ҳайдовчилардан ҳаракат вақтида тезликни белгиланган меъёрдан оширмасликларини айниқса, пиёдалар ўтиш жойларига яқинлашганда ҳушёр бўлишларини сўраймиз, дейилади хабарда.