Бу ҳақда Экология, атроф-муҳитни муҳофаза қилиш ва иқлим ўзгариши вазирлиги хабар берди.
Ўтказилган рейд давомида ҳуқуқбузар К.А. ўзига тегишли бўлган “Нива” русумли автомашинаси билан Конимех тумани “Карагата” ОФЙ ҳудудидан ноқонуний равишда 6 та ёввойи қуённи овлаб келаётган вақтида Зарафшон шаҳри ҳудудида тўхтатилди. Ушбу ҳуқуқбузарлик натижасида табиатга 2 млн 250 минг сўм зарар етказилганлиги маълум бўлди.
Ҳолат бўйича ҳуқуқбузарнинг автомашинаси жарима майдончасига жойлаштирилиб, К.А.га тегишли бўлган ов қуроли ИИБ ходимларига топширилди.
Шунингдек, ҳуқуқбузарга нисбатан Ўзбекистон Республикаси МЖтКнинг 90-моддаси 4-қисмига асосан ҳужжатлар расмийлаштирилиб, суд органларига юборилмоқда.
