Фавқулодда вазиятлар вазирлигининг хабар беришича, шу йилнинг 6 май куни соат 05:15 да Навоий вилояти, Кармана тумани, “Арғун“ МФЙ, “Арғун шоҳ“ кўчасида жойлашган савдо мажмуаларининг бирида ёнғин содир бўлаётганлиги тўғрисида “112” тизими орқали ФВБга хабар келиб тушган.
Келиб тушган хабарга асосан ёнғин-қутқарув экипажлари соат 05:18 да ҳодиса жойига етиб борган ва ёнғин соат 05:50 да қуршаб олиниб соат 06:24 да батамом ўчирилган.
Ёнғинни бартараф этишга 6 та асосий турдаги ҳамда 1 та махсус турдаги техника жалб этилган.
Ҳодиса оқибатида тан-жароҳати олганлар тўғрисида маълумот келиб тушмаган.
