Экология, атроф-муҳитни муҳофаза қилиш ва иқлим ўзгариши вазирлиги ва «Falcon hunting solutions» компанияси томонидан Ӯзбекистон Республикаси «Қизил китоби» ҳамда халқаро Қизил китобга киритилган ва йўқолиб кетиш хавфи остида турган 1002 бош ноёб қуш – йўрға тувалоқлар Қўнғирот туманидаги «Борсакелмес» ва «Жаслиқ» ҳудудларига қўйиб юборилди.
Маълумотларга кўра, Қорақалпоғистон Республикасида 2017-2023 йилларда жами 15 753 бош йўрға тувалоқ табиатга қўйиб юборилди.
Йўрға тувалоқлар 2009 йилда Ўзбекистон Қизил китобига ноёб тур сифатида киритилган. Ҳар бири 2, 3 донадан тухум қўяди ва 21, 25 кун давомида босиб ётади.
Полапонлари июнь-июль ойларида уча бошлайди.
