Тадқиқотчилар 30 ёшдан 62 ёшгача бўлган 5209 эркак ва аёлда мия ҳажмини ўлчаш учун мия магнит-резонанс томографиясидан (МРТ) фойдаланишди. Қайд этилишича, МРТ текширувлари 1999 йилдан 2019 йилгача ўтказилган. Тадқиқот иштирокчилари 1930-1970-йиллар орасида туғилган.
Натижалар шуни кўрсатдики, 1930-йилларда туғилганлар учун миянинг ўртача ҳажми 1234 миллилитрни ташкил этган бўлса, 1970-йилларда туғилганлар учун бу кўрсаткич 1321 миллилитрга кўтарилиб, тахминан 6,6 фоизга ўсган.
Олимлар, шунингдек, мия ҳажмининг ошиши ёш авлод вакилларида деменция хавфини камайтириши билан боғлиқлигини аниқлашди, деб хабар беради tengrinews.kz.