Бу ҳақда Тошкент вилояти божхона бошқармаси хабар берди.
Қайд этилишича, “Ғишткўприк” чегара божхона постига пиёда ҳолда кириб келган 2 нафар фуқароларнинг хатти-ҳаракатларида шубҳа пайдо бўлганлиги сабабли, божхона ходими томонидан холислар иштирокида шахсий кўрикдан ўтказилганида, 2 нафар фуқаро танасининг бел ва оёқ қисмларига скотч билан ўраб яширилган, оғзаки сўровда маълум қилинмаган ва йўловчи божхона декларациясида ёзиб кўрсатилмаган қиймати 15 млн сўмлик жами 724 дона ҳар-хил турдаги дори воситаларини олиб утаётганлиги аниқланди.
Ҳозирда юқоридаги ҳолат юзасидан божхона органлари томонидан суриштирув ҳаракатлари давом этмоқда.
