Ўзбекистон Жиззах вилоятидаги кичик қувватли атом электр станцияси қурилиши лойиҳасига Франция компанияларини жалб этмоқчи. Бу ҳақда Франциянинг «Le Figaro» газетаси хабар бермоқда.

«Биз Франциянинг Assystem (техник ҳамкор), Bureau Veritas (ўқитиш масалалари бўйича) ва Framatome (электр станцияларини техник бошқариш бўйича) каби бир қанча компаниялари билан музокаралар олиб бормоқдамиз», – деган «Ўзатом» раҳбари Азим Ахмедхаджаев «Le Figaro» газетасига берган интервьюсида.

Унинг сўзларига кўра, Ўзбекистон ядро энергетикасида нафақат технологик, балки молиявий сабабларга кўра ҳам ҳамкорликни диверсификация қилишни режалаштирмоқда.

«Франсия — энг илғор технологияларни таклиф қила оладиган мамлакат», – дея қўшимча қилди Аҳмадхўжаев.

Маълумот учун, «Ўзатом» Assystem шўба корхонаси бўлган Франциянинг Assystem Engineering and Operation Services компанияси ўртасидаги шартнома 2024 йил декабр ойида имзоланган эди.

Жорий йилнинг февралида эса Азим Ахмедхўжаев биринчи марта турли хорижий тузилмаларни жалб қилган ҳолда кичик атом электр станциясини қуриш учун «халқаро консорциум» тузиш режалари ҳақида маълум қилган.