Мамлакатимиз дипломатия миссиясидан маълум қилинишича, Президент Шавкат Мирзиёевнинг «Янги Ўзбекистон демократик ўзгаришлар, кенг имкониятлар ва амалий ишлар мамлакатига айланмоқда» сарлавҳали интервьюси Қозоғистон ижтимоий-сиёсий, илмий-таҳлил, маданий-маърифий, доиралар ва оммавий ахборот воситаларида катта қизиқиш уйғотди, деб хабар беради «Дунё» АА.

Давлатимиз раҳбари билан суҳбатнинг қозоқ ва рус тилларидаги матнлари мамлакатдаги қатор оммабоп онлайн-нашрлар саҳифаларида эълон қилингани шундан далолат беради.

Ўзбекистон етакчиси ушбу интервьюда мамлакатимиз тарихи, бугунги куни ва келажаги, минтақамизда ва жаҳон миқёсида содир бўлаётган мураккаб жараёнларга ўз муносабатини билдирган.